• You are here:  
  • Home /
  • News and Article /
  • 46 ka magtiayon sa Brgy Balubal nabugkos ang kaminyoon atol sa ‘Kasalan ng Bayan’
Friday, 09 September 2022 07:17

46 ka magtiayon sa Brgy Balubal nabugkos ang kaminyoon atol sa ‘Kasalan ng Bayan’

Written by
46 ka magtiayon sa Brgy Balubal nabugkos ang kaminyoon atol sa ‘Kasalan ng Bayan’
MALIPAYON ang 46 ka magtiayon nga molupyo sa Barangay Balubal ning syudad human nabugkos ang kaminyoon atol sa libreng mass wedding nga gipangunayan mismo ni Mayor Klarex Uy niadtong Septiyembre 8.
 
May be an image of 6 people, people standing and text that says 'RIS SA BAI Congrat.s t the ne "Very happy gyud... grabe ka malipayon. Dako kay akong pasalamat, una sa Ginoo tapos kay Mayor Klarex tungod sa iyang mga serbisyo nga iyang gihatag sa amo, natagaan na gyud mi og higayon nga makasal mi nga libre kay wala baya gyud mi mga kwarta. After 22 years, niabot ra gyud ang higayon." Marijo Acenas and Ahbil Gaaynon Newlyweds, Kasalan Bayan Klarex nga Serbisyo sa Baryo Program Barangay Balubal September 8, 2022 city information f Cagayan de Oro City Information Office'
Sumala ni Marijo Acenas ug Ahbil Gaaynon, kinsa 22 ka tuig nga nag-ipon: "Very happy gyud…grabe ka malipayon. Dako kay akong pasalamat, una sa Ginoo tapos kay Mayor Klarex tungod sa iyang mga serbisyo nga iyang gihatag sa amo, natagaan na gyud mi og higayon nga makasal mi nga libre kay wala baya gyud mi mga kwarta. After 22 years, niabot ra gyud ang higayon," saysay sa magtiayon.
 
Nasayran nga ang magtiayon adunay duha ka anak ug Typhoon Sendong survivors nga nahimong benepisyaryo sa SMC-GK Village kon relocation site diha sa barangay Balubal.
 
Sila midawat sa pahalipay nga cash prize gikan ni Mayor Klarex isip pinakadugay nga nag-ipon sa tanan 46 ka magtiayon.
 
Atol sa mass wedding, gipadangat ni Mayor Klarex ang importansya sa pag-ampo aron magdugay ang kaminyoon.
 
May be an image of 3 people and text that says 'Mlarex "Kinahanglan magmalampoon gyud mo nga molungtad pa gyud sa pipila ka katuigan ang inyong panag-uban labaw sa tanan, ang inyong kaminyoon magmalampuson. Kon gusto mo magmalampuson, higugmaon ug mahalon ninyo inyong ginikanan." SE Mayor Klarex Uy Kasalan ng Bayan Klarex nga Serbisyo sa Baryo Program Barangay Balubal September 8, 2022 citv information f Cagayan de Oro City Information Office'
 
"Kinahanglan magmalampoon gyud mo nga molungtad pa gyud sa pipila ka katuigan ang inyong panag-uban, labaw sa tanan, ang inyong kaminyoon magmalampuson. Kon gusto mo magmalampuson, higugmaon ug mahalon ninyo inyong ginikanan," mensahe sa mayor.
 
Ang matag magtiayon nakadawat og libreng cake, lechon ug wine gikan ni Mayor Klarex, lakip libreng 2-night stay sa usa ka hotel ning siyudad gikan ni Liga ng mga Barangay president Alam Lim.
Nagsilbing principal sponsors sila si City Councilor Aga Suan, Imee Moreno, Edgar Cabanlas, Jose Pepe Abbu Jr., Yvy Emano, Malou Gaane, Girlie Balaba, Ian Achas, SK Federation President John Michael L. Seno ug Liga ng mga Barangay president Alam Lim.
 
May be an image of 1 person, sitting and standing
 
Hugot nga suporta usab ang gipakita nila ni City Councilor Suzette Magtajas-Daba, George Goking, ug Roger Abaday, Acting City Administrator Atty. Roy Hilario P. Raagas, Punong Barangay Pablo Bactong sa Barangay Balubal ug uban pa.
Natapos ang kalihokan pinaagi sa paglagda ni Mayor Klarex sa marriage certificates ug paghulagway sa mga magtiayon sa libreng photobooth.
 
Ang 'Kasalan ng Bayan' kabahin sa 'Klarex nga Serbisyo sa Baryo' outreach program ni Mayor Klarex Uy ug kini gipasiugdahan sa City Civil Registry ubos ni City Civil Registrar Evangeline Tapangan uban sa Philippine Statistics Authority. (NLB/CIO/photos by Rod Constantino and Jomar Figuracion/CIO.)
Published in News and Article
back to top