Monday, 12 September 2022 08:34

CDO Lumbia Hospital mahimong Level 1 status sa 2025

Written by
MALAUMON ang pamunoan sa Cagayan de Oro Lumbia Hospital nga mamahimong Level 1 status na ang balay tambalanan sa tuig 2025 gikan sa kasamtangang Infirmary status niini.
 
Matud ni Dr. Liova de Guia, chief of hospital sa Lumbia, nga human gibuksan ang out-patient department (OPD) niini bag-ohay lang, sugdan na usab ang ubang serbisyo niini sa dili pa matapos ang 2022.
Ubos sa Level 1 status hospital, anaa na ang emergency care and treatment, general medicine, pediatrics, obstetrics ug non-surgical gynaecology, lakip minor surgeries.
 
Tumong sa administrasyon ni Mayor Rolando “Klarex” Uy nga masugdan ang ubang serbisyo sa Lumbia hospital aron mas duol na sa katawhan ang serbisyo’ng medical, ilabina sa kabarangayan nga nahimutang sa southwestern part sa syudad.
 
Ang 25-bed capacity Lumbia Infirmary mo-alagad dili lamang sa mga Kagay-anons apan lakip usab ang mga nanimuyo sa kasikbit nga probinsya sa Bukidnon ug Misamis Oriental. (ACM/Photos by ROD CONSTANTINO/CIO)