Tuesday, 13 September 2022 08:13

CHO: ‘Non-communicable diseases’ usa sa nag-unang hinungdan sa kamatayon’

Written by
GIAGHAT ni Dr. Fajad Y. Macadato, non-communicable diseases coordinator sa City Health Office, ang katawhan nga adunay diabetes mellitus ug uban pang lifestyle related diseases nga batasanon ang ‘active physical lifestyle activities’, mag-exercise ug magbantay sa pagkaon.
 
Sigon sa datos sa CHO, usa gihapon ang mga ‘non-communicable diseases’ sa nag-unang hinungdan sa kamatayon.
 
Dugang usab ni Dr. Macadato nga ang usa ka tawo nga ‘diabetic’ ug nagbaton sa uban pang lifestyle related diseases mas dako ang tsansa nga makaangkon og serious complications kon ugaling mataptan sa sakit nga COVID-19.
 
Busa, giawhag sa opisyal nga magpakonsulta gilayon sa labing duol nga healthcare facilities, o pahimuslan ang tele-konsulta o ‘telemedicine’, magtumar sa maintenance medications, ug kompletuhon ang bakuna batok COVID-19 ug magpa-booster. (AGP/Photo by Rod Constantino/CIO)