Wednesday, 14 September 2022 01:17

Duha ka mga sabongan gisusi sa RCB aron pagtino kung gituman ang mga kondisyones

Written by
SUBLI’NG gibisitahan sa Regulatory Compliance Board (RCB) ang mga cockpits kon sabongan diha sa Barangay Indahag ug Lumbia aron pagsiguro nga nasubay ang mga kondisyones sa syudad human gibalik ang operasyon sa cockfighting.
Atol sa inspection nga gipahigayon niadtong Septiyembre 11, nasayran sa mga otoridad nga misubay sa gabayan ang mga tigdumala sa duha ka bulangan.
 
Kini pinaagi sa pagsusi sa vaccination cards sa entrance area, pagsuot sa facemask, ug pagpatuman sa physical distancing.
 
Dugang niini, gipahigayon usab ang pagpamakuna pinaagi sa mobile vaccination team diha mismo sa cockpit sa barangay Indahag aron matupokan sa booster dose ang mga indibidwal nga buot mosulod sa area, apan wala pa natupokan sa Covid-19 vaccine.
 
Magpadayon ang pagsuta sa RCB Inspectorate Team ubos ni Inspectorate Team Leader Antonio Resma Jr. diha sa mga establisemento aron masiguro nga kanunay gihapon gisubay sa pribadong sektor ang mga gabayan sa lokal nga kagamhanan, ilabina ang pagpatuman sa minimum public health standards. (SPPalen/Photos by Reynan Baylin)