Wednesday, 14 September 2022 01:18

Paghiusa ug pagtinabangay hagit ni Mayor Klarex sa 11 ka HOAs

Written by
“Nagkinahanglan kami sa inyong panaghiusa ug pagtinabangay aron magmalampuson kami sa pagtabang kaninyo”.
Kini ang hagit ni Mayor Rolando `Klarex’ Uy ngadto sa mga bag-ong napili nga opisyales sa 11 ka Homeowners Associations atol sa ilang pagpanumpa atubangan sa mayor, Martes, Sept. 13.
 
Ang 11 ka mga HOAs gikan sa Calaanan relocation site (9), Xavier Ecoville sa Brgy. Lumbia (1), ug Pamalihi, Brgy. Pagatpat (1).
 
Gipasabot ni Mayor Klarex nga dili lang kutub sa paghatag og relokasyon, ingon man pinuy-anan ang himoon sa syudad pinaagi sa City Housing & Urban Development Department (CHUDD) sa pagpangulo ni Acting Head Atty. Joeffrey Namalata, apan lakip na ang ilang panginabuhian.
 
May be an image of 4 people, people sitting and people standing
“Pero kamo ang magbuot kung unsa nga panginabuhian ang inyong gusto kay andam akong maminaw ug mohatag,” dugang ni Mayor Klarex.
Gawas sa ilang panginabuhian, gipasalig sa mayor nga maangkon usab nila ang seguridad sa pagpuyo nga ilang gipangandoy.
 
Nunot niini, giaghat ni Mayor Klarex ang mga HOAs nga magsinabtanay bisan pa man sa mga problema nga ilang atubangon aron magpabilin ang panaghiusa. (ALR/CIO/Photos by Roel Felicitas/CIO)