GIAWHAG kadtong mga estudyante nga nag-edad og 10 hangtud 20 anyos, lakip young professionals nga nag-edad 21–30 anyos sa pagsalmot sa pipila ka online contests nga pasiugdahan sa City Social Welfare and Development Psychosocial Division nunot sa kasaulogan sa ‘Suicide Prevention Month’.

 

Ang mga online contests naglakip na sa spoken poetry, slogan making, poster making, vlog making ug uban pa, diin adunay cash prizes ang nagpaabot sa mga mananaug.

Magparehistro lang pinaagi sa pag-scan sa QR code nga anaa sa poster o google form pinaagi niini nga link: https://forms.gle/pjTDckxeM1mcA1Yw5.

 

Karong tuiga, ang tema: 'Creating hope through action,' diin gidasig sa CSWD Psychosocial Division ang mga Kagay-anon nga maminaw ug mahimong 'sensitive' sa ilang isig ka tawo bisan pa man sa giatubang mga suliran isip tubag sa suicide prevention ug pag-atiman sa mental health.

 

Alang sa dugang kasayuran, mahimong mobisita sa ilang fb page: CSWD CDO Psychosocial. (NLB/CIO/Infographic by CSWD)