MIBISITA sa JR Borja General Hospital (JRBGH) si Mayor Rolando “Klarex” Uy karong buntag aron pag apod apod og 500 food packs sa mga pasyente sa maong hospital.

Lakip sa gibisita sa mayor ang mga empleyado sa JRBGH ilabina ang mga doctors ug pagpangumosta sa kondisyon sa maong hospital.

 

 

Lakip sa gitutokan ni Mayor Klarex ang serbisyong panlawas ug dugang pagpalambo sa JRBGH ug mga health centers sa syudad sa tinguha nga mahatagan og saktong serbisyo ang katawhan dili lamang sa Cagayan de Oro apan lakip kasikbit nga mga lalawigan.

 

Kahinumdoman nga padayon pa ang proseso sa JRBGH aron mahimo kining Level II hospital sa dili madugay. (ACM-CIO/Photos by Isabelle Soriano-CMO)