Friday, 23 September 2022 07:18

‘Klarex nga Serbisyo sa Baryo’ ipahigayon sa brgy Puntod karong Sept 29

Written by
Human sa barangay Taglimao niadtong Septiyembre 22, dad-on na usab sa kagamhanang local sa Cagayan de Oro ubos sa pagpangulo ni Mayor Klarex Uy ang outreach program sa syudad nga ‘Klarex nga Serbisyo sa Baryo’ sa barangay Puntod karong sunod semana, Huwebes, Septiyembre 29.
 
Kahinumduman nga moabot sa 2,834 ka mga residente sa barangay Taglimao ug kasikbit nga mga dapit ang nakadawat og libreng serbisyo atol sa pagpahigayon sa maong programa.
 
Tumong sa ‘Klarex nga Serbisyo sa Baryo’ nga mahatud ngadto sa katawhan diha mismo sa ilang tugkaran ang mga batakang serbisyo sa city hall nga itunol sa nagkadaiyang mga departamento ug opisina sa syudad.
Kini subay na usab sa tinguha ni Mayor Klarex nga mapaduol ang gobyerno sa katawhan, ug ang katawhan mapaduol usab sa gobyerno. (IAF-CIO/photos by Rod Constantino)