Wednesday, 28 September 2022 05:52

CHO mitanyag og mobile vaccination alang niadtong maglisod paglakaw

Written by
GIPAHIBALO sa CDO COVID-19 vaccination team nga adunay mobile vaccination team ang City Health Office nga moadto sa mga panimalay aron paghatag og bakuna ngadto sa mga tawo nga ‘non-ambulatory’ kon dili na pakalakaw tungod sa kasilik-an sa panglawas.
Alang niadtong gusto magpabakuna apan dili na kalakaw o’ maglisod paglakaw gumikan sa edad o’ gihambin nga sakit, mahimong mokontak lang kang Ms. Maria Luz Abe-abe, team leader sa mobile vaccination sa numero 0936-8483-143.
Ang CHO mobile vaccination team gisuportahan sa City Health Insurance Office, uban sa pag-abag sa ReachHealth USAID ug Department of Health Region 10. (AGP/Infographics Rod Constantino/CIO)