Tuesday, 18 October 2022 00:46

'Search for Most PWD-Friendly Barangay' gilusad

Written by
GILUSAD ang ikaupat nga hugna sa 'Search for Most PWD-Friendly Barangay', Oktubre 17, atol sa pagpakayab sa nasudnong bandila sa city hall quadrangle ning siyudad.
Karong tuiga ang tema: "Pamahalaan kabalikat sa pagtupad ng pantay na edukasyon, trabaho at kabuhayan, Tugon sa pagpapalakas ng Taong May Kapansanan."
 
Mismo ang Technical Working Group nga gilangkoban sa nagkadaiyang buhatan sa LGU-CDO ang nangulo sa maong launching.
 
Atol sa launching, mihatag sa iyang mensahe si Persons with Disability Affairs Office (PDAO) Head Maria Liza Corpuz.
 
May be an image of 1 person, sitting and text
 
"Gusto nako pasalamatan once again ang atong lokal nga pangagamhanan headed by our beloved mayor, Mayor Rolando 'Klarex' Uy, Vice Mayor Bebot Rodriguez, City Administrator, Atty. Roy Hilario P. Raagas, and the 20th city council and, I would like to enjoin each and everyone na ang paghatag og pagtagad sa mga persons with disabilities, dili lamang ka na para sa ilaha kon dili para sa atong selves, we should be directive into being the best version of ourselves," sumala pa ni Corpuz.
 
Mitambong usab sa kalihokan sila si Vice Mayor Bebot Rodriguez ug City Administrator Atty. Roy Hilario P. Raagas.
 
Kahinumduman nga una nang gipahigayun ang courtesy call sa TWG kang Mayor Klarex Uy, lakip ang pakigkita kang Committee on Social Services Chairperson City Councilor Girlie Balaba.
Ang ’Search for the Most PWD-Friendly Brgy’ gimugna sa tuig 2019 ug nakasentro sa engagement pillars sa governance, health, education, infrastructure, participation, ug social protection.
 
Pasidunggan ang mga mananaug sa numbered ug named barangays karong bulan sa Disyembre diin makadawat og cash prize nga balor og P50,000 sa unang ganti, P40,000 sa ikaduhang ganti ug P30,000 sa ikatulong ganti. (NLB/CIO/Photos by Roel Felicitas/CIO/Infographics by PDAO)