Tuesday, 18 October 2022 00:47

Senior citizens libreng nabakunahan batok Pneumococcal ug Influenza

Written by
NAGMALIPAYON ang mga senior citizens nga nakabenepisyo sa libre’ng Pneumococcal ug Influenza Vaccine atol sa 2-day vaccination drive nga gipahigayon niadtong Oktubre 13-14 sa Senior Citizens Center sa dakbayan.
 
Ang maong kalihukan gipangulohan sa lokal nga kagamhanan sa dakbayan, Office for Senior Citizens Affairs, DSWD, City Health Office, DOH, PhilHealth, ug uban pang mga buhatan gikan sa pribadong sektor.
 
May be an image of 8 people and people standing
 
Gisuportahan usab sa Office of the President ug National Commission of Senior Citizens ang maong kalihukan aron pagsiguro nga maprotektahan ang mga katigulangan sa mga sakit pinaagi sa pagpamakuna.
 
Unang gibakunahan ang mga katigulangan gikan sa unang distrito sa dakbayan niadtong Oktubre 13 ug gisundan kini sa mga senior citizens gikan sa distrito dos niadtong Oktubre 14.
 
Gipahigayon ang maong kalihukan atol sa kasaulogan sa ‘Elderly Filipino Week’ nga adunay tema nga “Older Persons: Resilience in Nation Building”. (SPPalen/CIO | Layout by Rod Constantino)