Nagmalampuson ang kampanya sa Cagayan de Oro Chess Team human nasakmit ang 7th place sa 1st Mayor Alfredo Abelardo Albee Benitez Masskara Festival National Inter Provinces, Cities, and Municipalities Chess Team Championship nga gitapos sa Forest Park Resort sa Barangay Taculing, Bacolod City, Negros Occidental niadtong October 16, 2022.

 

 

Gitaho ni city sports coordinator Romarey B. Gorro nga nakuha sa Team CDO ang individual awards, diin nahimong Board 2 gold medalist si Lennon Hart Salgados, samtang Board 1 bronze medalist si Richelieu ‘Jong’ Salcedo ug Board 3 bronze medalist usab si Allan Cantojos.

 

Kauban sa pagkab-ot sa award ang Team CDO chess players nga si Christian Arroyo (Board 4 player) ug Renan Cantilado (alternate player).

 

Naghatag usab og giya sa team ang mga coaches sa Team CDO nga gilangkoban ni Zacharias Loloy Duman-ag, Jake Gonzales ug Aldren Ranario. (IAF-CIO/photo by CDO Sports)