Mokabat 85 ka mga mag-uuma gikan sa Barangay Balubal (43) ug Barangay Tignapoloan (42) ang mitambong sa Poultry Festival nga gipasiugdahan sa B-MEG sa San Miguel Corporation, inabagan sa syudad pinaagi sa City Veterinary Office bag-ohay lang nga gipahigayon sa Limketkai Center.

 

Si Dr. Helen Ann Tacandong sa City Veterinary Office namahayag nga lakip sa mitambong sa maong kalihokan ang mga barangay biosecurity officers, ug mga agriculture students sa University of Science and Technology of Southern Philippines (USTP) Cagayan de Oro.

 

Ang mga partisipante nahatagan og kaalam sa pagbuhi ug pag-atiman sa free-range chicken, manok pangsabong, ug uban pa.

 

Nasayran nga ang Poultry Festival kabahin lamang sa nagkadaiyang kalihokan ubos sa “Octoberfest” nga gipasiugdahan sa San Miguel Corporation (ALR/CIO/Photos from City Veterinary Office)