Gipasalamatan sa unom ka former rebels (FRs) o’ kanhi rebelde si Mayor Rolando Klarex’ Uy human sila nakadawat og ayuda atol sa gipahigayon nga ‘Klarex nga Serbisyo sa Baryo’ program didto sa Barangay Besigan, Sabado, Oktubre 22.

 

Kini nga ayuda ang gikalipay sa mga FRs kay dako kini og tabang kanila ilabina nga ilang nabati nga wala sila pasagdi sa gobyerno, partikular na ni Mayor Klarex nga iyang gihatod ug gipaduol ang nagkadaiyang serbisyo sa gobyerno ngadto sa katawhan sa kabukiran kansang sitwasyon dili makadali-dali nga maka-anhi sa city hall tungod sa kalayo sa ilang lugar.

 

Samtang, gidayeg ni Mayor Klarex ang desisyon sa maong mga FRs nga mibalik sa mga kamut sa gobyerno ug subling mihatag sa ilang pagsalig nga sila maatiman ug mahatagan sa ilang mga panginahanglanon.

Kanunay gipasabot ni Mayor Klarex nga andam ug abri kanunay ang city hall ilabina ang iyang buhatan sa tanan nga nagkinahanglan sa iyang tabang ug pagtagad. (ALR/CIO/Photos by Rod Constantino & Roel Felicitas/CIO)