USA ka ritwal ang gipahigayon sa mga Indigenous Peoples kon IPs nga nagpuyo sa barangay F.S. Catanico human gibuksan ang usa ka footbridge sa may Higaonon Cultural Village, Oktubre 19, diha sa barangay FS Catanico, ning siyudad.

Nangulo sa ritwal ang mga Indigenous Peoples Mandatory Representative (IPMR) nga sila si Datu Talugan kon Renerio Mayake ug Datu Salagun kon Augustine Neri.

Gawas sa ritwal, nagpahigayon usab sa inspection ang Department of Public Works and Highway X.

 

Mitambong usab sa kalihokan sila si CSWD IPs Section Focal Person Nena Lumandong; FS Catanico Punong Barangay Elpedio Neri; mga personahe sa City Tourism Office gipangulohan nila ni Tourism Consultant Dottie Pabayo ug Tourism Operations Officer I Dennis Villarin; Local Economic Development and Investment Promotions Officer John Asuncion ug Cultural Liason Domel Galvez.

 

Ang footbridge gilantaw nga mahimong usa sa ka cultural site pinaagi sa inisyatiba sa City Tourism Office, uban sa City Social Welfare and Development Department Indigenous Peoples Section. (NLB/CIO/photos by Roel Felicitas/CIO, photos courtesy of City Tourism Office and CSWD)