Tuesday, 25 October 2022 00:35

304 KA MDR UG PHILHEALTH ID NADAWAT SA MGA RESIDENTE SA BRGY BESIGAN

Written by
MOKABAT sa 304 ka mga member data records ug Philhealth IDs ang malampusong gitunol sa Philippine Health Insurance Corporation Region X pinaagi ni Social Insurance Officer III Abdul Obedi S. Alip ngadto sa mga NHTS members nga katawhan sa Barangay Besigan atol sa gipahigayon nga ‘Klarex nga Serbisyo sa Baryo’ ni Mayor Rolando Klarex Uy, adlaw’ng Sabado, Oktubre 22.
 
Sumala sa City Health Insurance Office sa pagpangulo ni Dr. Efren Celeste, gawas sa mga MDRs ug IDs nga gitunol, nakaparehistro usab sila og 128 ka mga tawo alang sa Philhealth ug 76 ang mipailawom sa Philhealth profiling.
Ang nasangpit nga serbisyo sa CHIO tipik lang sa daghan pang mga programa sa city hall nga gidala sa Barangay Besigan sa katuyoan nga mapaduol ang gobyerno sa katawhan ug ang katawhan mapaduol sa gobyerno. (AGP/Photos by Rod Constantino/CIO)