Tuesday, 15 November 2022 08:24

ROAD WIDENING PROJECT SA BRGY PAGATPAT GILARAW

Written by
GILARAW na sa nasudnon ug lokal nga kagamhanan ang road widening project sa Barangay Pagatpat isip kabahin sa major road infrastructure projects sa administrasyon ni Mayor Rolando “Klarex” Uy.
Kini ang gibutyag ni Mayor Klarex atol sa iyang pagtambong sa pagpakayab sa nasudnong bandila sa Brgy Pagatpat karong adlawa, Nobyembre 15.
 
Gipahibalo usab ni Mayor Klarex ang katukoran sa mini public market sa Brgy Pagatpat, sanglit usa kini sa mga malamboong barangay sa syudad ug nagkadako ang populasyon niini.
Ang Brgy Pagatpat usa sa mga napiling relocation sites sa kagamhanang local sa Cagayan de Oro alang usab sa mga molupyo sa syudad nga biktima sa nagkalain-laing kalamidad ug nagpuyo sa mga giilang ‘danger zones’. (ACM/Photos by ROEL FELICITAS & ROD CONSTANTINO/CIO)