MALIPAYON human nakadawat ang pipila ka Persons with Disabilities (PWD) og assistive devices gikan sa ASA Foundation, Nobyembre 14, atol sa pagpakayab sa nasudnong bandila diha sa city hall quadrangle, ning siyudad.

 

Ang mga assistive devices gilangkoban sa lima ka crutches ug 17 ka wheelchairs, ug gitunol kini ni ASA Foundation Assistant Vice President Ariane Zanoria.

 

Mismo si Mayor Klarex Uy ug Vice Mayor Bebot Rodriguez ang midawat niini, kauban ang pipila ka mga miyembro sa 20th City Council nga sila si Ian Mark Nacaya, Atty. Edgar Cabanlas, Atty. Joey Abbu, Atty. James Judith, Malvern Esparcia,

 

Liga ng mga barangay President Alam Lim, SK Federation President John Michael Seno, Persons with Disabilities Affairs Office Head Maria Liza Corpuz ug City Administrator Atty. Roy Hilario P. Raagas. (NLB/CIO/photos by Rod Constantino/CIO)