MIBISITA sa dakbayan ang presidente sa US-based OfficePartner360 (OP360) nga si Mr. Ben Roberts aron masayran ang estado sa BPO industry ug ICT businesses sa Cagayan de Oro alayon sa giplanong expansion sa nasangpit nga kompanya dinhi sa dakbayan.

 

Sa pagbisita ni Roberts sa opisina ni Mayor Klarex Uy, gipasabot ni Ms. Shiela Lumbatan, chief-of-staff sa mayor, ug uban pang mga department managers sa city hall ang mga kaayuhan nga matanyag sa dakbayan kung dinhi ipahimutang ang expansion sanglit giila nga economic hub ang dakbayan sa Northern Mindanao.

 

Isip tabang usab sa lokal nga kagamhanan, giubanan sa Oro-TIPC si Mr. Roberts sa iyang pagbisita sa mga potential sites sa syudad diin gitukod ang mga BPO companies ug susamang mga establisemento.

 

Ang kasamtangang administrasyon ni Mayor Klarex Uy bukas sa tanan klase nga negosyo ug patigayon dinhi sa dakbayan aron mas mapasayon ang pagpatuman sa economic recovery agenda nga prayoridad sa mayor. (SPP/Photos by April Lorenzana)