Friday, 25 November 2022 02:18

‘BAKUNAHANG BAYAN’ ILUSAD KARONG DISYEMBRE 5-7

Written by
GIAWHAG sa kagamhanang lokal sa Cagayan de Oro ang katawhan nga suportahan ang ikaduhang hugna sa ‘Bakunahang Bayan’, ang tulo ka adlaw nga ‘COVID-19 special vaccination days’ karong umaabot Disyembre 5 ngadto 7 ning tuig.
Ang ‘Bakunahang Bayan’ nunot sa direktiba ni President Ferdinand ‘Bongbong’ Marcos Jr. aron mas mapalapdan pa ang pagpamakuna sa dili pa mahuman ang tuig.
 
Laraw sa nasangpit nga national vaccination days nga makab-ot ang 50% first booster dose coverage sa tanang 12 anyos pataas ug mapakusgan usab ang pagpamakuna sa first ug second doses o ‘primary doses’ sa mga bata 5 – 11 anyos.
Sigon sa data sa City Health Insurance Office niadtong Nobyembre 20, mokabat pa sa 45,565 ka mga bata nag-edad 5-11 anyos ang natupokan sa first dose sa COVID-19 vaccine ug 36,784 pa lang kanila ang ‘fully vaccinated’ o naka-kompleto sa ‘primary vaccine series’.
 
Dumduman target sa syudad mabakunahan ang 71,432 ka mga bata 5-11 anyos, busa padayong gipanawagan ang mga ginikanan ug ‘guardians’ nga ubanan ang mga bata sa nagkadaiyang vaccination centers sa syudad. (AGP/Photo by Rod Constantino/CIO)