LARAW ni Mayor Rolando “Klarex” Uy nga mahatagan og kasayon ang mga estudyante sa kabarangayan nga makabaton og libre’ng internet connectivity sugod sunod tuig.

 

Kini human mibisita ang mga kadagkoan sa PLDT sa pagpangulo ni Vice President for Mindanao Benbrackie Melasa, Robert W. Suzon kinsa mao usab ang Business Head sa Northern Mindanao, kauban ang Senior Relationship Manager nga si Khass Navales sa buhatan ni Mayor Klarex ug nagpadayag sa ilang katuyoan kalabot sa connectivity program sa mayor nga nalatid sa iyang RISE agenda.

 

Ang maong proyekto nga gikatakdang iplastar sa mga barangay covered courts laumang sugdan sunod tuig diin importante sa mayor nga maserbisyohan ang mga estudyante sa ilang pag-eskwela lakip sa pinakalayong barangay ning syudad.

 

Subay niini, gikalipay ni Mayor Klarex ug nanghinaut kini nga makatabang kini ilabina sa mga estudyante. (ACM/Photos by RHOEL CONDEZA/CIO)