Friday, 02 December 2022 04:07

PUBLIKO GIPASIDAN-AN NGA GIDILI ANG PAGHATAG OG LIMOS SA KADALANAN

Written by
SUBLING nagpahimangno ang Oro Response and Processing Section (ORPS) sa City Social Welfare and Development Social Welfare and Community Development Unit sa mga katawhan nga gidili ang paghatag og limos diha sa kadalanan ilabina ning panahon sa pasko.
 
Gani, nagpadayon ang Oro Response teams sa ilang reach-out operations aron pag-monitor sa kadalanan 24/7, diin dili lamang ang mga makililimos ang gibantayan, apan lakip na usab ang mga homeless families, homeless individuals ug Children in Street Situations.
 
Nabahin ang ORPS teams sa duha ka teams, diin adunay daytime ug nightime.
 
Giawhag ang katawhan nga motabang sa pag-report kung adunay makitang magpakilimos sa kadalanan, lakip homeless families, individual ug Children in Street Situations aron sila ma-reach out.
 
Alang sa daytime, mahimong i-contact ang numero 0955-115-6600 / 0975-044-6176, samtang alang sa night time, palihug tawagan ang numero 0910-750-4957 / 0995-004-9618 / 0970-920-5882 / 0946-368-6648.
Pwede usab mag-message sa Oro City Social Welfare and Development FB page o kaha sa pinakaduol nga police station. (NLB/CIO/Infographic by Carl Balanza/CIO)