Monday, 05 December 2022 08:55

CBDRP SA BRGY TABLON MIDAOG SA DECLAMATION, FB REELS CONTEST

Written by
Nakuha sa Community-Based Drug Rehabilitation Program (CBDRP) sa Barangay Tablon ang unang dapit sa Declamation ug FB Reels contest nunot sa bag-ohay lang gitapos nga kasaulogan sa Drug Abuse Prevention and Control (DAPC) Month.
 
Ang maong kompetisyon gisalmutan sa mga anti-drug responders nga mipailawom sa CBDRP sa tinguha nga mapakita nila ang ilang mga talento.
 
Gawas sa pasidungog nga naangkon sa mga anti-drug responders, naapil sa Top 5 CBDRP Managers ang comm.-based manager sa Brgy. Tablon, ingon man Top 10 Active CBDRP Barangays.
Top 5 CBDRP Managers usab ang comm.-based managers sa Barangays Balulang, Tignaploan, Lapasan ug Camaman-an.
 
Samtang ang ubang Top 10 CBDRP Barangays mao ang Agusan, Cugman, Lapasan, Camaman-an, Balulang, Carmen, Bayabas, Tignapoloan, ug FS Catanico.
 
Nunot niini, gidayeg ug gipahalipayan ni Mayor Rolando `Klarex’ Uy ang maong mga barangay ilabina ang ilang mga punong barangay nga naningkamot magpadayon ang maong programa ug mapalig-on ang kampanya batok gidiling druga. (ALR/CIO/Photo by Roel Felicitas)