Monday, 05 December 2022 08:57

MGA KABATAAN NAKADAWAT OG REGALO GIKAN KANG PRESIDENT BONGBONG

Written by
MALIPAYON ang mga kliyente sa Mother Teresa Oro Care Center for Children, Boystown center, Balay Pag-asa ug Balay Paglaum human midawat og libreng school bags gikan ni President Bongbong Marcos ug First Lady Marie Louise Araneta Marcos atol sa programa nga gitawag og “Balik Sigla, Bigay Saya: Nationwide Gift Giving," Disyembre 4, diha sa city hall quadrangle, ning siyudad.
 
Ang maong mga centers maoy nag-atiman sa mga bata sa kadalanan, mga bata nga giabusohan ug giabandona, ug mga bata nga nakasala sa balaod kon Children in Conflict with the Law (CICL).
 
Ang matag school bag nga nadawat sa mga bata aduna'y sulod nga water tumbler, kalo, dulaan, hygiene kit ug instant noodles.
Gawas sa libreng school bags, gilingaw usab ang mga bata pinaagi sa mga parlor games.
 
No photo description available.
 
Si City Councilor Girlie Balaba, kinsa maoy chairperson sa Committee on Social Services, ang mirepresenta ni Mayor Klarex Uy.
Ang maong gift-giving activity nahimong posible uban sa paningkamot sa City Social Welfare and Development Department. (NLB/CIO/photos courtesy of CSWD and City Councilor Girlie Balaba)