Mokabat 53 ka former rebels (FRs) ang nakadawat og P20,000 cash matag usa isip livelihood assistance human sila mi-qualify sa gipahigayon nga evaluation ug assessment ubos sa pagpaningkamot sa syudad pinaagi sa administrasyon ni Mayor Rolando `Klarex’ Uy isip chairman sa Enhance Comprehensive Local Integration Program (ECLIP) Cagayan de Oro.

 

Gibutyag ni Norhidaya H. Hadji Sarip, head sa ECLIP Section sa City Social Welfare and Development (CSWD) nga gikan sa Department of Social Welfare and Development (DSWD) ilawom sa Sustainable Livelihood Program ang pundo nga gigahin alang sa mga FRs.

 

Nasayran nga gipailawom usab sa livelihood training ang mga benepisyaryo aron mahatagan sila og igong kapasidad ug kahibalo sa pagpadagan ug pagpalambo sa ilang gipili nga panginabuhi.

Pipila sa napili nga mga livelihood mao ang pagbaligya og ukay-ukay, sari-sari store, peddler og mga grocery items, ug carpentry.

 

Alayon niini, nanghinaut si DSWD Assistant Director for Operations Ronald Ryan Cui nga mapalambo ug ampingan sa mga benepisyaryo ang panginabuhian nga gihatag kanila sa gobyerno.

 

Gipasalamatan usab ni ARD Cui ang LGU-CDO pinaagi ni Mayor Klarex ug mga partners sa programa sama sa Department of Interior and Local Government (DILG), PNP Cagayan de Oro City Police Office (Cocpo); Armed Forces of the Philippines, Philippine Army (AFP, PA), ug barangay council sa Barangay Dansolihon pinangulohan ni Punong Barangay Franco Montano. (ALR/CIO/Photos by Jay Arancon & Reynan Baylin/CIO)