GIILA sa kagamhanang lokal ning syudad ang dakong kaakohan ug kalambigitan sa prensa sa pagbangon ug pag-uswag sa ekonomiya gikan sa nasinating pandemya duha ka tuig na ang nilabay.

 

Sa mensahe ni City Administrator Roy Hilario Raagas isip representante ni Mayor Rolando “Klarex” Uy sa gipahigayong 26th National Press Congress dinhi sa dakbayan, iyang gibutyag nga mahinungdanon ang prensa diha sa pagpadayag sa kagawasan ug kaangayan, diin ilabina nga inanay nga naningkamot ang kagamhanan nga mobarog pagbalik ang ekonomiya sa nasud pinaagi usab sa pag-abag sa mga negosyante diin tinguha niini nga makabenepisyo ilabina ang katawhan.

 

Matud ni Raagas makatabang gayud ang prensa pinaagi sa ilang balita nga makatabang usab sa pagpasabot sa katawhan aron sa ingon mamahimo silang aktibong makiglambigit ug responsableng indibidwal. (ACM/Photos by ROD CONSTANTINO/CIO)