KAPIN 200 ka mga bata kinsa mga anak sa Women in Especially Difficult Circumstances ang midawat og regalo pinaagi sa ‘Project Angel Tree’ sa LGU-CDO, Disyembre 12, diha sa city hall quadrangle.

 

Mismo ang buhatan ni Mayor Klarex Uy, Bise Mayor Bebot Rodriguez ug mga City Councilors, Department Managers, Assistant Department Managers, division chiefs, section heads ug consultants ang mihatag sa ilang regalo.

 

Ang mga bata naggikan sa mga barangay diin tag-as ang kaso sa Women in Especially Difficult Circumstances sama sa Carmen, Gusa, Tablon, Cugman, ug Bulua.

Gawas sa mga regalo, nagpasundayag usab og magical show ug naghatag sa lingaw sa mga bata ang mga mascots pinaagi sa ilang mga sayaw.

 

Sa laing bahin, mihatag sa ilang hamubo nga mensahe si Co-Chairperson Gender and Development Focal Point System sa LGU-CDO Sheila B. Lumbatan, City Councilor Imee Moreno, kinsa maoy chairperson sa Committee on Women and Family Relations, ug City Councilor Girlie Balaba, chairperson sa Committee on Social Services atol sa kalihokan.

 

Mitambong usab sa kalihokan sila si City Councilor Dra. Malou Gaane, Suzette Magtajas-Daba, Roger Abaday, Jay Roa- Pascual, Malvern Esparcia, Romeo Calizo, Atty. Edgar Cabanlas, Atty. Joey Abbu, Atty. James Judith, Sangguniang Kabataan Federation President John Michael Seno ug Liga ng mga Barangay President Alam Lim ug City Administrator Atty. Roy Hilario Raagas.

 

Ang ‘Project Angel Tree’ inisyatiba sa Gender and Development Focal Point System sa LGU-CDO agi'g paghatag og suporta sa pagtapos sa 18-day campaign to end violence against women ug paghatag og gamay nga pahalipay sa mga pamilya nga naapil sa women in especially difficult circumstances nunot sa kasaulogan sa pasko. (NLB/CIO/photos by Jun Cañete/CIO)