Gipasalig sa Night Market Management Committee nga gipangulohan ni kanhi Kagawad Enrico Salcedo ang ilang hugot nga suporta sa mga programa ug tinguha ni Mayor Rolando `Klarex’ Uy alang sa kaayohan sa syudad ug katawhan sa Cagayan de Oro atol sa ilang paghurar Martes, Disyembre 13, 2022.

 

Ang pasalig sa committee ang gikalipay usab ni Mayor Klarex kinsa mapasalamaton nga nakabaton siya og mga kauban nga adunay susama kaniya og panglantaw ug tinguha sa pag-alagad sa katawhan.

“Sa gikaingon ko na, mag-unsa man ang kalooy kung walay gihimo aron matabangan ang mga nanginahanglan,” dugang ni Mayor Klarex. .

 

Samtang, gidayeg ni Mayor Klarex ang team tungod kay paspas ug hapsay niini nga na-relocate ang mga sidewalk vendors nga wala nagkagubot, ug sa samang higayon, luag na ang mga dalan palibot sa Cogon Market area. .

 

Ang Night Market Management Committee gilangkuban sa mga buhatan sa City Economic Enterprises Department (CEED), Roads and Traffic Administration (RTA), City Engineering Office (CEO), Office of the Building Official (OBO), City Local Environment and Natural Resources (Clenro), City Public Services Office (CPSO), City Information Office (CIO), City Disaster Risks Reduction and Management Department (CDRRMD), City Legal Office, City Administrator’s Office, Regulatory Compliance Board (RCB), City Finance Department, City Social Welfare and Development Office (CSWD), Liga ng mga Barangay, SK Federation, ug Cagayan de Oro City Police Office (Cocpo), Police Station 2, inabagan usab sa Task Force Oro. (ALR/CIO/Photos by Reynan Baylin & Roel Felicitas/CIO)