APROBADO na sa mga sakop sa Local School Board (LSB) pinangulohan ni Mayor Rolando “Klarex” Uy ang P350 million Special Education Fund budget alang sa tuig 2023.

Matud ni Mayor Klarex nga ang maong pundo igahin alang sa dugang kalamboan ug katukoran sa mga tunghaan ilabina sa mga barangay ning syudad nga anaa pa gihapon ang kakulang niini.

 

Sa mensahe sa mayor iyang giaghat ang mga sakop sa LSB nga magtinabangay ug magkahiusa kanunay alang sa edukasyon sa mga kabataan ilabina kadtong mga naglisod gayud nga makatungha tungod sa kapobrehon.

 

Subay niini, mipadayag usab sa ilang kinatibuk-ang suporta ang mga sakop sa LSB ug mipasalig sa mayor nga kauban sila sa tinguha niini nga mga kabag-ohan ug kalamboan.

Ang Special Education Fund (SEF) gikuha gikan sa gikan sa gibayarang Real Property Tax (RPT) sa syudad. (ACM/Photos by JAY ARANCON/CIO)