Monday, 19 December 2022 05:55

KAPIN 1,000 MIDUYOG SA “INT’L DAY OF PERSONS W/ DISABILITIES”

Written by
KAPIN 1,000 ka Persons with Disabilities lakip ginikanan ang miduyog sa kasaulogan sa ‘International Day of Persons with Disabilities’ ug Christmas party nga gipangunahan sa City Social Welfare and Development (CSWD) Department ug Persons with Disabilities Affairs Office (PDAO), Disyembre 15, diha sa Limketkai Atrium, ning siyudad.
 
Atol sa kalihokan, gipahigayon ang adult category caroling contest diin nasakmit sa Barangay Bugo ang 1st place ug cash prize nga balor og P7,000, samtang naangkon sa United PWDs of Barangay Canitoan ang 2nd place ug cash prize nga balor og P6,000, ug DAWN ang miangkon sa 3rd place ug cash prize nga balor og P5,000.
 
Sa children's category, naangkon sa Barangay Lumbia SPED students ang 1st place ug cash prize nga balor og P6,000, samtang naangkon sa MACVI ang 2nd place ug cash prize nga balor og P5,000.
 
Gawas sa caroling contest, aduna usab parol making contest diin nasakmit sa GUPDA ang 1st place ug cash prize nga balor og P5,000, samtang naangkon sa Barangay Dansolihon PWD Organization ang 2nd place ug cash prize nga balor og P4,000 ug ang miangkon sa 3rd place ang Barangay Mambuaya PWD Organization ug cash prize nga balor og P3,000.
Nanghatag usab og spaghetti packs sa matag usa ug pahalipay nga giapud-apud sama sa bugas pinaagi sa raffle.
 
Mitambong sa kalihokan sila si CSWD Department Executive Overseer Pastor Dimver Andales, CSWD Officer Anecia Tongson, CSWD Community and Social Development Division Head Joan Acraman, PDAO Head Maria Liza Corpuz, CSWD PWD Focal Person Ma. Cheryl Gacita, City Councilors Jay Roa-Pascual, Atty. Joey Abbu, Girlie Balaba, Yvy Emano ug representante ni City Councilor Ian Mark Nacaya. (NLB/CIO/photos by Jomar Figuracion/CIO)