Human sa taas nga proseso ug dili tiaw nga mga deliberasyon, public hearings ug legislative actions, nagbunga ang mga paningkamot ug tinguha ni City Councilor Ian Mark Nacaya alang sa positibo nga kabag-ohan sa buhatan sa City Economic Enterprises Department (CEED).

 

Kini human naaprobahan ang ordinansa nga mag-ilis dili lang sa pangalan sa CEED, apan lakip na ang istraktura ug sistema aron maka-uban sa maayo nga pagdumala sa economic enterprises.

Alayon niini, ang CEED gitawag na karon nga City Economic Enterprises and Business Development Department (CEEBDA).

 

Gipasalamatan sa CEEBDA partikular na ni Kag. Nacaya si Mayor Rolando `Klarex’ Uy human niini gipirmahan ang kamandoan alang sa katudloan ug designation sa mga opisyales sa CEEBDA.

Lakip sa gipasalamatan sa CEEBDA ang kanhi administrasyon sa suporta ug pagsalig aron masugdan ang maong tinguha, City Council, HRMD, Local Finance Committee, ug ang tanan nga mga kauban nga nisuporta ug nitabang aron matuman ang maong mga tinguha. (ALR/CIO/Photos from CEEBDA)