Walay hunong ang mga sakop sa Night Market Management Committee sa ilang pagbantay ug pag-monitor sa mga lugar nga giplastaran ug sa mga lugar nga wala gitugot nga baligyaan aron masiguro nga hapsay ang kadalanan ug dili maghuot ang dagan sa trapiko.

 

Gani, pipila ka mga ambulant vendors nga namaligya sa may rotunda duol sa by-pass road area ang gibadlong ug gipapahawa sa Night Market Team tungod kay wala kini gitumbok sa syudad nga baligyaan.

 

Usa lang ka area sa may rotunda ang gitugot sa syudad nga temporaryong baligyaan sa mga seasonal vendors. Gani, giplastar man sila ni Mayor Rolando `Klarex’ Uy aron mahatagan og kahigayonan nga makapanginabuhi panahon sa Pasko ug Bag-ong Tuig.

 

Gi-monitor usab sa team ang mga dalan palibot sa Cogon Market ilabina sa dalan J.R. Borja nga walay gitugutan nga makabaligya daplin sa dalan. (ALR/CIO/Photos by Roel Felicitas/CIO/& NMMC)