Sobra 300 ka mga negosyante dinhi sa Cagayan de Oro ang nagpa-renew sa ilang mga business permits atol sa unang adlaw sa tinuig nga renewal sa city hall niadtong Martes, Enero 3, 2022.

 

Apan ang buhatan sa City Finance Department ubos ni City Treasurer Jasmin Maagad nag-aghat sa publiko nga pahimuslan ang online business registration alang sa bag-ong aplikasyon o’ renewal sa business permit pinaagi sa pagbisita sa link: citytreasurer.cagayandeoro.gov.ph

 

Kini sa tuyo nga mapasayon ang proseso sa business permit registration gamit ang hapsay ug haruhay nga online system sa City Treasurer’s Office aron dili na kinahanglan nga moadto pa sa city hall ang usa ka negosyante nga maglukat og business permit.

 

Gipahibalo usab sa maong buhatan nga kutob lang sa Enero 20 ning tuig ang business permit renewal, ug aduna nay ipahamtang nga multa ini’g lapas sa deadline. (IAF/CIO/photos by Jun Canete)