Monday, 09 January 2023 06:27

CHO nag-awhag sa kabataan nga magpabakuna batok COVID 19

Written by
BISAN pa man og giluagan na sa kagamhanang local ang ekonomiya ning syudad, padayon pa gihapon kining naghangyo sa katawhan ilabina sa mga wala pa makakompleto sa ilang primary doses sa COVID 19 vaccines ug wala pa makadawat sa ilang booster shots sa pag-avail na sa libre’ng bakuna.
 
May be an image of 3 people, people standing and text
 
Matud ni Dr Inah Grace Chiu, Medical Director sa National Immunization Program sa City Health Office, atol sa COVID 19 presser adlaw’ng Lunes, nga ang Cagayan de Oro maoy ikaduha sa pinakaubos nga vaccination rate sa Region 10 basi sa datos sa Department of Health 10.
 
Dugang ni Dr Chiu nga anaa pa lamang sa 52.53% ang nakadawat sa 1st dose sa 5-11 years old diin target sa ilang buhatan ang 70% ning bulana aron maabot ang fully vaccinated coverage ug sanglit nagsugod na usab ang ilang face-to-face classes.
 
Samtang pinakaubos usab sa 12-17 years old ang nakadawat sa booster shots nga anaa lamang sa 8.72 ug target niini nga maabot ang 100% ning bulana.
Subay niini, nanawagan ang City Health Office sa pagpangulo ni Dr Rachel Dilla sa katawhan nga mobisita lamang sa mga vaccination sites samtang aduna pay libre’ng vaccines. (ACM/CIO)