MOKABAT na sa 441 ka mga pasyente, diin 94 ang dialysis patients, ang malampusong narehistro sa Philhealth ‘point of service’ (POS program) sa kagamhanang lokal sa Cagayan de Oro pinaagi sa City Health Insurance Office sa unang bulan sa tuig 2023.

 

Ang nasangpit nga mga kliyente miagi sa ‘interview’ ug ‘assessment’ sa kaugalingong social worker sa CHIO.

 

Ang Philhealth Point of Service usa ka programa nga naghatag og Philhealth coverage sa mga ‘admitted member patients’ nga ‘financially incapable’ kon walay ikagahom.

 

Mapasalamaton ang CHIO sa padayon ug hugot nga suporta ni Mayor Rolando ‘Klarex’ Uy sa Philhealth programs ilabina nga ang Cagayan de Oro usa usab sa mga advanced integration sites sa Universal Health Care Program sa nasudnong kagamhanan. (AGP/CIO/Photo courtesy of CHIO)