Mapasigarbuhon ang Cagayan de Oro City Anti-Drug Abuse Council (CDO CADAC) pinangulohan ni Mayor Rolando `Klarex’ Uy sa kalampusan sa Community-Based Drug Rehabilitation Program (CBDRP) nga mga responders ug service providers sa Barangay Carmen human ilang naangkon ang kadaugan sa ikaduhang dapit atol sa ilang pagsalmot sa Mayor’s Cup Spring Festival Dragon Boat Race nga gipahigayon niadtong Enero 21-22, 2023.

 

Si Dr. Rhyselle Descallar, head sa Oro Citizen’s Wellness & Development Center (OCWD) maoy usa sa mipaabot sa iyang kalipay ug pasalamat ngadto sa CBDRP Carmen ilabina sa mga misalmot sa dragon boat race.

“Thank you for taking recovery to the next level! Congratulations CBDRP Carmen,” mensahe ni Dr. Descallar.

 

Ang pagsalmot sa CBDRP Carmen gipangulohan sa ilang program director ug BADAC co-chairman Sunny Rae Cahayag, ug recovering person who used drug (PWUD) ug CBDRP manager Carmen “Cacai” Arsenal.

 

Dako usab kini nga garbo sa CBDRP ilabina sa programa ug kampanya sa syudad batok gidiling druga kay nakita nga adunay dakong kausaban sa mga recovering PWUDs diha sa pagsalmot sa mahinungdanong kalihokan sama sa paugnat sa kusog. (ALR/CIO) photos from Metro Cagayan de Oro