• You are here:  
  • Home /
  • News and Article /
  • APOO NAGPAHIGAYON OG FISHING PERMIT CARAVAN SA BRGY PUNTOD COVERED COURT
Monday, 30 January 2023 08:38

APOO NAGPAHIGAYON OG FISHING PERMIT CARAVAN SA BRGY PUNTOD COVERED COURT

Written by
APOO NAGPAHIGAYON OG FISHING PERMIT CARAVAN SA BRGY PUNTOD COVERED COURT
Human sa Barangay Tablon, gidala na usab karon sa Agricultural Productivity Operations Office (APOO) diha covered court sa Barangay Puntod ang Fishing Permit Caravan Lunes, Enero 30, 2023.
Mga mananagat sa Barangay Macabalan ug Puntod ang gilauman nga marehistro.
 
Tumong ning maong kalihokan nga ma-rehistro ang mga fisherfolks nga anaa sa 12 ka mga coastal barangays ning syudad.
 
Kini nga inisyatibo sa APOO inabagan sa Philippine National Police Maritime Division (PNP-Maritime), Philippine Coast Guard (PCG), ug Philippine Crop Insurance Corporation (PCIC) diin ang tumong ug tinguha mao nga ma-rehistro ang mga mananagat gikan sa dose ka mga coastal barangays ning syudad.
 
Nasayran nga ang PNP-Maritime mohatag og maritime clearance certificate nga gikinahanglan sa mga mananagat isip rekisitos aron tugutan sila nga makapanagat.
 
Maghimo usab og insurance ang buhatan sa PCIC alang sa mga fishing vessels ug cages sa mga mananagat ingon man sa ilang kaayohan.
 
Mahimo usab nga iparehistro sa mga operators ang ilang mga tawo sa maong caravan.
 
Naglaum ang APOO nga makaparehistro ang tanang mananagat nga nanimuyo sa Brgys Macabalan ug Puntod. (ALR/CIO/Infog from APOO)
 
May be an image of text that says 'cagayan deoro cityofgoldenfriendship FISHING PERMIT CARAVAN SCHEDULE JAN 30 MGA FISHERFOLKSA UG PUNTOD AT PUNTOD COVERED COURT JAN 31 MGA FISHERFOLKS SA CUGMAN, GUSA, UG LAPASAN AT GUSA COVERED COURT FEB 01 MGA FISHERFOLKS SA BAYABAS UG BULUA AT BAYABAS COVERED COURT FEB 02 MGA FISHERFOLKS SA BONBON AT BONBON COVERED COURT www.cagayandeoro.gov.ph @cityinfo.cdo.ph city information CAGAYAN RISI'
Published in News and Article
back to top