Thursday, 02 February 2023 08:11

LIVELIHOOD PROJECT SA INDIGENOUS PEOPLES SA DANSOLIHON SUPORTADO NI MAYOR KLAREX

Written by
DAKONG kalipay ug pasalamat ang gibati sa mga sakop ug pamunoan sa tribal council sa Brgy Dansolihon tungod sa oportunidad sa panginabuhian nga ihatag kanila ni Mayor Rolando “Klarex” Uy dungan sa pag-andam ug katukoran sa city college.
 
Sa panagtigom sa mga sakop sa technical working group, tribal council representatives ug ni Mayor Klarex sa iyang buhatan adlaw’ng Martes, Enero 31, gipasalig sa mayor ang suporta niini alang sa Tilapia growing sa mga sakop sa IPs sulod sa luna nga gitagana alang sa city college campus.
 
Matud ni Mayor Klarex tumong usab sa iyang administrasyon nga matudloan ug mapalambo ang kahanas sa mga mag-uuma gamit ang modernong teknolohiya sa pag-uma.
 
Naglaum si Mayor Klarex nga pinaagi niini dugang kinitaan ug mas malamboon nga kinabuhi ang matagamtam sa Indigenous Peoples kinsa midonar og luna alang sa city college campus. (ACM/Photos by Jay Arancon/CIO)