GI-AWHAG sa City Health Insurance Office (CHIO) pinangulohan ni Dr. Efren Celeste ang katawhan nga pahimuslan ang lain na usab nga hugna sa Philhealth KonSulTa Mass Registration nga ipahigayon diha sa barangay Kauswagan, karong Pebrero 16, ning tuig.

 

Dumduman malampusong gipahigayon sa CHIO uban sa hugot nga suporta sa Philhealth Region 10 ang KonSulTa mass registration sa barangay Bulua niadtong Enero 26, diin mokabat sa kapin 400 ka mga Philhealth members ug dependents ang nakapahimulos sa serbisyo.

 

Naglangkob niini nga serbisyo ang members enrollment and updating, KonSulTa registration, medical assessment and consultation, ug issuance of ID cards ug MDR.

Ang pagpahigayon og KonSulta Mass Registration kabahin sa implementasyon sa Universal Health Care Law nga hugot nga gisuportahan sa liderato ni Mayor Rolando Klarex Uy. (AGP/CIO/Photos by CHIO)