Thursday, 02 February 2023 08:19

LIBRENG WIFI CONNECTIVITY SA MGA BARANGAY SUGDAN NA SA MARSO

Written by
LAUMANG makabaton na og libre’ng wifi connectivity ang mga barangay ning syudad sugod Marso ning tuig human mibisita sa buhatan ni Mayor Rolando “Klarex” Uy ang mga kadagkoan sa PLDT sa Mindanao.
 
Sa pakighinabi ni Mayor Klarex kang PLDT Vice President for Mindanao Benbrackie Melasa, ug Robert W. Suzon, kinsa mao usab ang Business Head sa Northern Mindanao, kauban ang Senior Relationship Manager nga si Khass Navales, ilang gipahibalo sa mayor nga gisugdan na ang preparasyon sa internet connectivity ug laumang mapuslan na kini sunod bulan.
 
Kahinumdoman nga una nang gilaraw Mayor Klarex nga mahatagan og kasayon ang mga estudyante sa kabarangayan nga makabaton og libre’ng internet connectivity alang sa ilang pagtuon.
 
Subay niini, gikalipay ni Mayor Klarex ang maong kalamboan, ug nanghinaut kini nga makatabang ilabina sa mga estudyante. (ACM/Photos by Roel Felicitas/CIO)