Wednesday, 08 February 2023 07:34

60 KA PARESAN SA CUGMAN MIPAILAWOM SA PRE-MARRIAGE COUNSELING

Written by
Mokabat sa 60 ka paresan sa Barangay Cugman kinsa gikatakdang kaslon sa ‘Kasalan ng Bayan’ ang nakapahimulos sa libreng pre-marriage orientation and counseling (PMOC) kagahapon, Pebreo 7 ning tuig.
 
Ang PMOC hiniusang gipasiugdahan sa Community Improvement Division pinangulohan ni Mr. Honorio Diputado Jr., City Civil Registry sa pagpangulo ni Ms. Evangeline Tapangan, uban sa hugot ni suporta ni Barangay Cugman Chairman Wendelyn Escobia kauban ang iyang konseho.
 
Human mipaubos sa PMOC ang nasangpit nga mga parisan, diretso usab sila nga nag-apply alang sa ilang marriage license.
Ang ‘Kasalan ng Bayan’ tipik lang sa nagkadaiyang mga serbisyo nga gitanyag sa ‘Klarex nga Serbisyo sa Baryo’ ni Mayor Klarex Uy sa tuyo nga mapaduol ang gobyerno sa katawhan, ug ang katawhan mapaduol sa gobyerno. (AGP/CIO/Photos by CID)