Dili momenos sa 100 ka mga inahan o’ ginikanan ang personal nga abi-abihon ni Mayor Klarex Uy matag bisita niini sa kabarangayan sugod karong sunod semana.

 

Tuyo sa mayor nga mapaminaw niini ang mga problema ug panginahanglanon sa mga inahan ug ginikanan, ug mahatagan kini og kasulbaran bisan sa ginagmay nga paagi o’ tabang gikan sa buhatan sa mayor.

 

Bisan pa man og abri kanunay ang buhatan sa mayor ni bisan kinsa nga gustong mopadangat sa ilang mga problema ug suliran, apan gibutyag ni Mayor Klarex nga gusto niini nga mahatagan usab og kahigayonan ang sector sa kababayen-an.

 

“Gamay lang kini nga sakripisyo sa pagserbisyo para atong maalagaran ang mga ginikanan ug kababayen-an,” sigun pa sa mayor human gihangyo ang suporta ug kooperasyon ni City Health Officer Dr. Rachel Dilla.

Sa maong kalihukan, motunol si Mayor Klarex og gamay’ng hinabang alang sa 100 ka mga kababayen-an sama sa 5 ka kilo nga bugas, apil P500 nga financial assistance. (IAF/CIO)