MIDUYOG ang LGU-CDO pinaagi sa City Civil Registry Office ubos ni City Civil Registrar Evangeline Tapangan sa kasaulogan sa 33rd Civil Registration Month uban sa temang,"PSA @ 10: Providing Efficient and Effective Registration and Vital Statistics through Digital Transformation" nga gipangulohan sa Philippine Statistics Authority Regional Statistical Services Office (PSA RSSO X) ubos ni PSA Officer-in-Charge Dr. Janith C. Aves, kagahapong adlawa, Pebro 6.

Gisugdan kini pinaagi sa usa ka motorkada ug gisundan sa santos nga misa, unveiling sa photobooth ug flagraising ceremony.

 

Lakip sa mitambong sa kalihokan si City Councilor Romeo Calizo, mga personahe sa Provincial Statistical Office of Misamis Oriental pinangunahan ni Chief Statistical Specialist, Maria Liza M. Bigornia.

 

Nunot sa kasaulogan, usa ka mobile civil registration ang itanyag sa City Civil Registry Office diha sa barangay F.S. Catanico karong Pebrero 10; barangay Puerto karong Pebrero 13; buhatan sa Agricultural Productivity Operations Office karong Pebrero 15 alang sa mga fisherfolks; Philippine Island Kids International Foundation, Carmen karong Pebrero 17; barangay Macabalan karong Pebrero 18; barangay Dansolihon karong Pebrero 25; ug barangay Mambuaya karong Pebrero 27.

 

Aduna usab registration sa mga batang bag-ong natawo diha sa JR Borja General Hospital ug Northern Mindanao Medical Center matag weekend, tree planting, coastal clean-up, quiz bee ug poster making contest nga pagasalmotan sa mga personahe sa City Civil Registry Office ug uban pang kalihokan. (NLB/CIO/Photos courtesy of PSA)