GIPASIDUNGGAN sa LGU-CDO ang mga mananaug sa ‘Search for Most Child-Friendly Barangay and Police Station’ atol sa ‘Pasundayag: Araw ng Parangal’, Pebrero 11, diha sa Ayala Centrio Mall ning siyudad.

 

Ubos sa kategorya sub-urban barangays, nakab-ot sa Barangay Kauswagan ang ‘1st Most Child-Friendly Barangay’, seal, trophy ug cash prize nga balor og P120,000, samtang ang Barangay Canitoan ang misakmit sa ‘2nd Most Child-Friendly Barangay,' seal, trophy ug cash prize nga P100,000; ug Barangay Cugman ang nakakuha sa 3rd place og seal, trophy ug cash prize nga P80,000.

 

Sa urban barangays, midawat ang Barangay 14 sa certificate ug cash prize nga P30,000.

 

Midawat usab sa plaque of recognition ang Barangay Agusan isip 4th placer; Barangay Mambuaya, 5th placer; Barangay Patag, 6th placer; Barangay Tablon, 7th placer; Barangay Carmen, 8th placer; Barangay Iponan, 9th placer ug Barangay Bulua, 10th placer.

 

Naangkon usab sa Barangay Pagatpat ang ‘Hall of Famer’ award, seal ug cash prize nga balor og P50,000, samtang Seal of Mature Level of BCPC Functionality usab ang nadawat sa Barangay Gusa ug Barangay Balulang. (NLB/CIO/photos by Kim Zaldivar/CIO)