MALAMPUSONG gipahigayon bag-ohay lang sa Office for Community Affairs sa pagpangulo ni Department Manager Oliver Egypto pinaagi sa Volunteerism & Active Citizenship Unit ang Cagayan de Oro Inter-Fraternity & Sorority Consultation nga gisalmotan sa mga representante sa nagkadaiyang grupo.

 

Atol sa maong kalihukan, gipadayag ni Assistant Department Manager Cyril Ranile ang hugot nga suporta sa administrasyon ni Mayor Rolando ‘Klarex’ Uy sa inter-fraternity ug sorority community.

Lakip sa gihisgutan ang RISE development agenda sa kasamtangang administrasyon ni Mayor Klarex.

 

Ang nasangpit nga panagtigom kabahin lang sa ‘series of consultation’ sa mga volunteer movements sa dakbayan sa pagpangulo ni City Volunteerism Focal Person Alain Roy Romero. (AGP/CIO/Photos by Harry Tibon)