Wednesday, 15 February 2023 01:31

DRY RUN SA STATION 29 LIVE BAND GITUGOT NA SA RCB

Written by
Human temporaryo’ng gipaundang ang live band tungod sa nadawat nga mga reklamo, gitugutan na sa Regulatory Compliance Board (RCB) ning syudad nga maka-dry run ang Station 29 aron subling makapahigayon og live band sa ilang establisemento.
 
Apan gipasabot ni Atty. Jose Edgardo Uy, chairman sa RCB, nga adunay mga rekisitos ug gabayan nga gipatuman sa mga establisemento nga adunay live band aron dili mogawas ang kasaba ug dili madisturbo ang katawhan.
Aron mabalik ang live band sa maong establisemento, pipila sa mga rekisitos mao ang pagbutang og dugang roofing isip sound proof, ingon man canopy.
 
Alayon niini, gihangyo usab sa tigdumala sa Station 29 ang syudad pinaagi sa RCB nga masusi na ang kalambuan sa ilang gibutang nga roofing ug canopy aron hingpit na silang matugutan nga makabalik sa pagpahigayon og live band. (ALR/CIO/Photos by Reynan Baylin/CIO)