Friday, 17 February 2023 01:41

MAYOR KLAREX ABRI SA PARTNERSHIP UBAN SA HABITAT FOR HUMANITY

Written by
Gipadayag ni Mayor Rolando `Klarex’ Uy nga abri siya alang sa partnership uban sa Habitat for Humanity alang sa katumanan sa iyang mga plano ug programa sa housing project sa syudad.
 
Kini ang gipadayag ni Mayor Klarex kang Mardi Mapa-Suplido, chief executive officer sa Habitat for Humanity atol sa pagbisita niini sa buhatan sa mayor uban sa mga kadagkuan sa City Housing & Urban Development Department (CHUDD), ug Majority Floor Leader City Councilor Ian Mark Nacaya.
 
Ang Habitat for Humanity mitanyag kang Mayor Klarex nga andam kini motabang sa housing project sa syudad diha sa pagtukod og mga balay nga gitagana alang sa mga kabus.
 
Matud ni Suplido nga ang syudad maoy magtumbok sa yuta diin ang Habitat for Humanity na dayon ang magtukod og balay.
Kini nga kalambuan ang gikalipay ni Mayor Klarex diin iyang gipasalamatan ang Habitat for Humanity sa maong tanyag. (ALR/CIO/Photos by Kim Zaldivar/CIO)