SA tinguha nga matabangan ang mga kabataan o school learners sa public elementary schools, ilabina ang mga Grade 7, gipasiugdahan sa Local School Board (LSB) ang Training of Tutors for Community Based Remedial Reading Program bag-ohay lang.

 

Misalmot sa maong training ang kapolisan gikan sa Station 1 ngadto 10 ning syudad ug mga city scholars diin tumong sa maong proyekto nga matabangan ang mga kabataan sa nagkalain-laing tunghaan sa ilang reading and writing skills.

Basi sa datos sa Department of Education -Division of Cagayan de Oro, ubos kaayo ang percentage sa mga estudyante nga makabasa bisan pa man nga anaa na sila sa Grade 7.

 

Tungod niini, naningkamot ang kagamhanang local ubos sa administrasyon ni Mayor Rolando “Klarex” Uy nga matabangan ug matutokan ang pagpalambo sa edukasyon ning syudad.

 

Matud ni Dr. Alicia Anghay, executive director sa Local School Board ug focal person on Education sa syudad, nga dako og epekto sa reading skills ang duha ka tuig nga COVID pandemic bisan pa man sa paningkamot sa DepEd sa modular learning sa kabataan.

 

Apan malaumon si Dr. Anghay nga pinaagi sa pakiglambgit sa syudad ug sa DepEd kauban ang Teach for the Philippines, matabangan ang struggling readers sa pampublikong tunghaan. (ACM/Photos by ROEL FELICITAS)