Thursday, 02 March 2023 08:29

RITWAL SA INDIGENOUS WOMEN GIPASUNDAYAG NUNOT SA PAGSAULOG SA ‘NAT’L WOMEN’S MONTH’

Written by
SUPORTADO ni Mayor Klarex Uy ang usa ka ritwal nga gipahigayon sa mga Indigenous women gikan sa Luzon, Visayas ug Mindanao nunot sa kasaulogan sa ‘National Women's Month’ diha sa barangay Lumbia, ning siyudad.
 
Mikabat sa 150 ang misalmot sa kalihukan, diin ang mga Indigenous women naggikan pa sa Maguindanao, Bukidnon, North Cotabato, Agusan del Sur, Negros Occidental, Panay, Rizal, Zambales, Baguio ug Cagayan de Oro.
Ang maong ritwal gitawag og ‘Panagsal-aw’ kon ‘convergence’ sa ingles.
 
May be an image of one or more people and people standing
 
Kini gisugdan sa usa ka hamubo nga programa diha sa city hall mini park ug gitambongan kini ni City Mayor’s Office Chief of Staff Sheila Lumbatan, ang Chairperson sa City Gender and Development Focal Point System; City Social Welfare and Development Department (CSWD) Officer Annie Tongson; CSWD Assistant Department Head Nida Paña; Indigenous People Sector Focal Person Nena 'Bae Rose' Lumandong ug uban pa.
Nasayran nga kini ang unang higayon nga gipahigayon ang maong kalihokan sa Cagayan de Oro.
 
Ang ‘Panagsal-aw’ gipangulohan sa LILAK Purple Action for Indigenous Women's Rights, usa ka Manila-based non-government organization kansang tumong ang pagdasig sa mga katungod sa Indigenous women. (NLB/CIO/photos by Reynan Baylin CIO and Aicy Soriano/CMO)