Monday, 13 March 2023 01:37

COMPREHENSIVE LAND USE PLAN GIPAILAWOM SA PAG-REPASO ARON MAHAUM SA RISE AGENDA NI MAYOR KLAREX UY

Written by
Usa ka executive briefing ang gipahigayon bag-ohay lang sa buhatan ni Mayor Klarex Uy alang sa pag-repaso ug dugang pagtuon sa Comprehensive Land Use Plan (CLUP) ning dakbayan sa Cagayan de Oro.
Nasayran gikan ni Department of Human Settlements and Urban Development Chief Technical Adviser Dr. Ernesto Villegas nga tumong sa maong panagtagbo ang pagsuta sa direksyon sa mga programa nga ipatuman pinaagi sa pagsunod sa mga guidelines sa DHSUD.
 
Atol sa maong briefing, nagkadaiyang mga ahensya ang mitaho ug gipasabot ang mga plano nga nalatid sa Comprehensive Land Use Plan (CLUP) alang sa tuig 2023- 2027, diin lakip na niini ang RISE Agenda ni Mayor Klarex Uy isip major development strategy.
 
Sigon pa ni Mayor Klarex Uy nga ang pinaka-sentro ug katuyuan sa RISE CDO agenda mao ang kalambuan sa katawhan ning dakbayan pinaagi sa pag-komplemento sa usa’g-usa sa CLUP ug RISE CDO agenda.
Dugang pa sa mayor nga mahinungdanon nga mabalanse ang pagtubag sa panginahanglanon sa kayutaan alang sa housing, commercial ug industrial uses aron masiguro nga aduna pay igo nga luna sa kayutaan alang sa agrikultura ug open spaces.
 
Nasayran nga ang pag-update sa CLUP ang gilaumang matapos sulod sa 18 ka bulan. (GB/CIO)